Лінкі ўнівэрсальнага доступу

Расею на чатыры гады адхілілі ад Алімпіядаў і чэмпіянатаў сьвету


Уладзімер Пуцін
Уладзімер Пуцін

Выканкам Сусьветнага антыдопінгавага агенцтва (WADA) на чатыры гады пазбавіў Расею права ўдзельнічаць у міжнародных спаборніцтвах, у тым ліку Алімпіядах і чэмпіянатах сьвету.

Пра гэта паведамляе ТАСС са спасылкай на прэс-службу WADA.

«Рэкамэндацыя камітэт была адобрана аднагалосна», — сказана ў паведамленьні.

Таксама выканкам WADA увёў чатырохгадовую забарону на наведваньне міжнародных спартыўных мерапрыемстваў расейскімі дзяржслужачымі і кіраўніцтвам Алімпійскага камітэта Расеі і Паралімпійскага камітэта Расеі.

Якіх спаборніцтваў датычыць забарона:

  • Летняя Алімпіяда ў Токіё, 2020 год
  • Зімовая Алімпіяда ў Пэкіне, 2022
  • Чэмпіянат сьвету па футболе ў Катары, 2022
  • Унівэрсіяда, 2021
  • Унівэрсіяда, 2023

25 лістапада камітэт па адпаведнасьці WADA рэкамэндаваў выканкаму арганізацыі адхіліць Расею ад міжнародных спаборніцтваў на чатыры гады. Гэта зьвязана з падазрэньнямі ў маніпуляцыях допінг-пробамі з базы дадзеных Маскоўскай антыдопінгавай лябараторыі.

Допінгавы скандал, зьвязаны з падробкай допінг-пробаў расейскіх удзельнікаў Алімпіяды ў Сочы і спартоўцаў, якія прымалі ўдзел у іншых спаборніцтвах, працягваецца ўжо некалькі гадоў. WADA абвінавачвае расейскія ўлады ў маштабным парушэньні сусьветных антыдопінгавых правілаў, расейскія ўлады гэтыя абвінавачваньні адмаўляюць.

Зьмены ў базе дадзеных Маскоўскай антыдопінгавай лябараторыі былі зробленыя мужам дырэктара лябараторыі Алены Мачалавай - Яўгеніем Мачалавым, які працуе сыстэмным адміністратарам лябараторыі. Такія вынікі ўтрымліваюцца ў справаздачы па выніках расьсьледаваньня WADA.

У справаздачы камітэта па адпаведнасьці WADA паведамляецца, што ў маскоўскай лябараторыі (яна фізычна знаходзіцца ў МДУ) працавала адмысловая «каманда абнуленьня». Яе мэтай было «схаваць факт» таго, што зьмены адбыліся не ў лістападзе 2015 года былым кіраўніком лабараторыі Рыгорам Родчанкавым, а ў сьнежні 2018-га - непасрэдна перад перадачай базы ў WADA.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG