Лінкі ўнівэрсальнага доступу

2 сьнежня пачынаюцца суды над актывістамі за пікеты і акцыі да выбараў. Каго будуць судзіць


Адзін з пікетаў у Менску

Праваабаронцы налічылі 16 актывістаў, у якіх неўзабаве пройдуць суды ці якія атрымалі пратаколы пасьля акцый і пікетаў да выбараў у Палату прадстаўнікоў.

Праваабарончы цэнтар «Вясна» апублікаваў зьвесткі пра актывістаў, якіх неўзабаве будуць судзіць за ўдзел у акцыях і пікетах паводле выбараў дэпутатаў.

2 сьнежня

Дзяніс Красачка, за ўдзел у перадвыбарчым пікеце, які палічылі несанкцыянаваным масавым мерапрыемствам.

5 сьнежня

Наста Гусева, за ўдзел у «Сустрэчы свабодных людзей» на плошчы Свабоды ў Мінску 16 лістапада. Удзел у несанкцыянаваным мерапрыемстве.

Павал Севярынец, за ўдзел у «Сустрэчы свабодных людзей» на плошчы Свабоды ў Мінску 16 лістапада. Удзел у несанкцыянаваным мерапрыемстве.

Андрэй Кудзік, за ўдзел у акцыі-шэсьці 16 лістапада «Сустрэча вольных людзей». Удзел у несанкцыянаваным мерапрыемстве.

9 сьнежня

Пётр Маркелаў, зьяўляўся даверанай асобай кандыдата ў дэпутаты Станіслава Шашка, які балятаваўся ў Мінску ў Палату Прадстаўнікоў па Паўднёва-Заходняй выбарчай акрузе № 99. Дробнае хуліганства і непадпарадкаваньне.

10 сьнежня

Андрэй Сьліж, за ўдзел у несанкцыянаваным пікеце кандыдата ў дэпутаты Паліны Шaрэнда-Панасюк падчас парлямэнцкай кампаніі.

12 сьнежня

Аляксандр Марачэўскі, за ўдзел у несанкцыянаваным пікеце кандыдата ў дэпутаты Паліны Шaрэнда-Панасюк падчас парлямэнцкай кампаніі.

Алена Шабуня, за сюжэт на тэму выбараў для тэлеканала «БелСат». Парушэньне закону «Аб СМІ».

Зьміцер Лупач, за сюжэт на тэму выбараў для тэлеканала «БелСат». Парушэньне закону «Аб СМІ».

Ірына Халіп (2 сьнежня выклікаюць у Цэнтральны РУУС Менска для складаньня пратакола)

Таксама пратаколы аб адміністрацыйным правапарушэньні атрымалі:

  • Андрусь Войніч
  • Зьміцер Казлоў
  • Леанід Кулакоў
  • Натальля Саматыя
  • Ніна Багінская
  • Міхаіл Чамурака

Раней полацкага блогера Алеся Круткіна пакаралі арыштам на 15 сутак за рэпост запісу ў сацыяльных сетках.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG