Лінкі ўнівэрсальнага доступу

У Берасьці на плошчы Леніна сабралася каля 150 праціўнікаў акумулятарнага завода


Архіўнае фота

Актывісты абураныя, што экспэртаў і грамадзкасьць не пусьцілі на завод, калі яго наведвалі старшыня гарвыканкаму Аляксандр Рагачук, зь дзяржаўнымі СМІ і прадстаўніком адміністрацыі СЭЗ «Брэст», паведамляе БелаПАН.

ТАА «АйПауэр» выключыла са сьпісу актывістаў Дзьмітрыя Бекалюка і Дзям’яна Лепясевіча за тое, што яны нібыта зьяўляюцца адказчыкамі ў судовым разборы аб абароне дзелавой рэпутацыі «АйПауэр». Актывісты лічаць, што спэцыялістаў не пусьцілі сьвядома, паколькі заводу «ёсьць што хаваць».

Міліцыя праз мэгафон папярэджвала сабраных аб адказнасьці за правядзеньне несанкцыянаванай акцыі.

Па словах Бекалюка, яны хацелі паглядзець, што рэальна адбываецца на прадпрыемстве. Яны лічаць, што пасьля распараджэньня аб прыпыненьні будаўніцтва завода ў пачатку лета прадпрыемства ажыцьцяўляла вытворчую дзейнасьць. Таксама ён адзначыў, што ў сьпісе для наведваньня завода ад грамадзкасьці зьявіліся людзі, якіх яны не заяўлялі.

Дзьмітры Бекалюк
Дзьмітры Бекалюк

«Улічваючы, як у нас правялі парлямэнцкія выбары, у гэты сьпіс можна было б уключыць як «спэцыяліста» Марыю Васілевіч (Міс Беларусь, абраная падчас парлямэнцкіх выбараў дэпутатам Палаты прадстаўнікоў), — пракамэнтаваў Бекалюк.

Ён заявіў, што кампанія супраць завода будзе працягнутая.

Пасьля сустрэчы на плошчы, якая працягвалася прыкладна да 12.40, праціўнікі будаўніцтва завода прайшлі па цэнтральных вуліцах Берасьця — Пушкінскай і Савецкай да кінатэатра «Беларусь».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG