Лінкі ўнівэрсальнага доступу

Прэм’ер-міністру Ізраілю прадʼявілі тры крымінальныя абвінавачваньні


Біньямін Нэтаньягу, прэм'ер-міністар Ізраілю

Упершыню ў гісторыі Ізраілю дзейны кіраўнік ураду паўстане перад судом па абвінавачваньні ў хабарніцтве.

Прэм’ер-міністру Ізраілю Біньяміну Нэтаньягу прадʼявілі тры крымінальныя абвінавачваньні. Такое рашэньне прыняў юрыдычны дарадца ўраду Авігай Мандэльбліт.

Па адной справе прэмер-міністар будзе абвінавачаны ў хабарніцтве. Паводле абвінавачваньня Нэтаньягу аказваў у 2012-2017 гадаў паслугі прадпрымальніку Шаулю Аловічу, уладальніку кантрольнага пакету інтэрнэт-правайдэра Безэк. Кошт паслугаў вымяраецца 300 мільёнамі даляраў.

Упершыню ў гісторыі Ізраілю дзеючы кіраўнік ураду паўстане перад судом па абвінавачваньні ў хабарніцтве.

Абвінавачваньні ў махлярстве і парушэньні грамадзкага даверу будзе прадʼяўленыя Біньямін Нетаніягу за атрыманьне ягонай сямʼёй падарункаў ад бізнэсоўцаў на дзясяткі тысячаў даляраў. Яшчэ адно абвінавачваньне тычыцца бізнэсовых сувязяў прэмʼера з кіраўніком мэдыя-канцэрну «Едыот Ахранот» Арнонам Мозэсам.

Абвінавачваньні ў дачы хабару і стварэньні перашкод правасудзьдзю таксама выстаўленыя Шаулю Аловічу, уладальніку кампаніі Безэк, і яго жонцы Ірыс.

Таксама будуць прадʼяўленыя абвінавачваньні Арнону Мозэсу.
Копіі абвінавачваньняў будуць перададзеныя сьпікеру парлямэнту.

Чакаецца, што юрыдычны дарадца ўраду Авігай Мандэльбліт зьвернецца да парлямэнту з прапановай зьняць з прэмʼера дэпутацкую недатыкальнасьць.

Калі Біньямін Нэтаньягу паўстане перад судом і будзе прызнаны вінаватым, яму можа пагражаць зьняволеньне на некалькі гадоў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG