Лінкі ўнівэрсальнага доступу

Лукашэнка патлумачыў, чаму прызначыў сына сваім намесьнікам у НАК


Аляксандар і Віктар Лукашэнкі

Аляксандар Лукашэнка заявіў, што ў прызначэньні ягонага старэйшага сына Віктара на пасаду віцэ-прэзыдэнта Нацыянальнага алімпійскага камітэту няма кансьпіралёгіі. І запэўнівае, што такая прапанова была не ад яго, піша Tut.by.

«Калі хто-небудзь думае, што тут з падачы бацькі яму вялікую пасаду адвалілі, дык у яго і так пасада — дай Бог кожнаму, памочнік у нацыянальнай бясьпецы, — сказаў Лукашэнка. — Многія, хто ведае мяне і маю сям’ю, прапаноўвалі гэта. Але, калі пачалі настойваць некаторыя прадстаўнікі замежных дзяржаў, папрасілі мяне разгледзець пытаньне, я здаўся».

Аляксандар Лукашэнка дадаў, што пакуль яшчэ не прыняў рашэньня, ці застанецца старэйшы сын на пасадзе ягонага памочніка ў нацыянальнай бясьпецы.

«Гэта вялікая будзе страта ў дзяржаве, — лічыць ён. — Ён працаваў памочнікам, таму што мне патрэбен адкрыты канал сувязі паміж мной і сілавымі структурамі. Гэтыя структуры маюць вялікую ролю і павінны быць пад кантролем прэзыдэнта, каб ня здарылася, як у некаторых нашых суседзяў. Я гэта заўсёды трымаў на кантролі і не знайшоў лепшага выйсьця (і цяпер не шкадую), як прызначыць яго памочнікам».

Бацька ня ўтойвае, што пакіданьне старэйшым сынам пасады памочніка прэзыдэнта стане адчувальнай стратай. Сам Лукашэнка пакуль ня бачыць чалавека, які б выконваў такія абавязкі.

Разам з тым прызначэньне Віктара першым віцэ-прэзыдэнтам НАК Лукашэнка зьвязвае з пэрспыктывамі прасоўваньня Беларусі ў міжнародным спорце.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG