Лінкі ўнівэрсальнага доступу

Страляніна ў Каліфорніі: чацьвёра загінулых, шасьцёра параненых


Ілюстрацыйнае фота

Чатыры чалавекі загінулі і ня менш за шэсьць атрымалі раненьні падчас страляніны на праглядзе футбольнага матчу ў каліфарнійскім горадзе Фрэсна ў ЗША. Пяцёра параненых знаходзяцца ў крытычным стане.

Інцыдэнт адбыўся ўвечары 17 лістапада на вечарыне ў адным з прыватных дамоў. Той, хто страляў, схаваўся, паліцыя займаецца яго пошукамі.

Паводле сьведчаньняў відавочцаў, каля 20:00 па мясцовым часе ўзброены чалавек пранік у двор жылога дома і пачаў страляніну. У доме знаходзілася каля 35 чалавек.

Страляніна ў Фрэсна — ужо другі выпадак за апошнія некалькі дзён у Каліфорніі. 14 лістапада стала вядома пра атаку з выкарыстаньнем зброі ў школе ў прыгарадзе Лёс-Анджэлесу. Тады загінулі двое падлеткаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG