Лінкі ўнівэрсальнага доступу

Расея не дазволіла Беларусі абнуліць мыта на электрамабілі  


Электрамабілі ў Беларусі

Чальцы Эўразійскага эканамічнага саюзу не дазволілі Беларусі абнуліць мыты на электрамабілі. Гэта вынікае з адказу Дзяржаўнага мытнага камітэту Беларусі на пэтыцыю, зьмешчаную на плятформе petitions.by.

Ініцыятары звароту прасілі разгледзець пытаньне адмены мыта для фізычных асобаў на ўвоз электрамабіляў у Беларусь, каб стымуляваць разьвіцьцё гэтага віду транспарту. На гэты момант пад пэтыцыяй падпісаліся 1086 чалавек.

Намесьнік старшыні Дзяржаўнага мытнага камітэту Сяргей Палудзень паведаміў, што яшчэ ў 2017 годзе Беларусь прапаноўвала іншым краінам – удзельніцам Эўразійскага эканамічнага саюзу абнуліць мыта на ўвоз электрамабіляў, аднак падтрымкі не атрымала. Фактычна гэта пазыцыя Расея, не зацікаўленай у канкурэнцыі для сваіх унутраных вытворцаў.

Пры гэтым ён адзначае, што пытаньне аб мэтазгоднасьці падрыхтоўкі новых ініцыятыўных прапановаў, датычных нулявой стаўкі ўвазнога мыта на электрамабільны транспарт, разглядаецца зацікаўленымі дзяржаўнымі органамі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG