Лінкі ўнівэрсальнага доступу

Урад хоча грошы наперад, а Эўрапейскі банк чакае ад Беларусі рэалізацыі ўгодаў аб прыватызацыі


Банк «Дабрабыт» пасьля рэбрэндынгу

Прэзыдэнт Эўрапейскага банку рэканструкцыі і разьвіцьця (ЭБРР) Сума Чакрабарці «зрабіў асаблівы акцэнт» на неабходнасьці прагрэсу ў рэалізацыі прыватызацыйных угодаў, якія ня першы год абмяркоўваюцца з урадам Беларусі.

Пра гэта Чакрабарці казаў у рамках сустрэчы зь беларускай дэлегацый у Вашынгтоне, калі бакі спыніліся на пытаньні пачатку падрыхтоўкі новай Стратэгіі ЭБРР для Беларусі на 2020–2023 гады, паведамляе прэс-служба Міністэрства эканомікі Беларусі.

У Міністэрстве эканомікі тым часам разьлічваюць, што у 2019 годзе аб’ём крэдытнай падтрымкі з боку ЭБРР перавысіць леташнія 360 мільёнаў эўра.

У прыватнасьці, падрыхтоўка да прыватызацыі «Белінвэстбанку» і банку «Дабрабыт» (раней «Масква-Менск»), ААТ «Крыніца», ААТ «Краснасельскбудматэрыялы», абмяркоўваецца ўжо не адзін год, аднак пакуль нейкага прагрэсу ў рэалізацыі прыватызацыйных угодаў няма.

Найбольш блізка бакі падышлі да кампрамісу ў справе прыватызацыі пакету акцый «Белінвэстбанку», аднак дыялёг спыніўся улетку гэтага году, калі ЭБРР ацаніў банк у 120 млн даляраў, а ўрад назваў суму амаль утрая большую.

Тэрыторыя заводу БелАЗ
Тэрыторыя заводу БелАЗ

Таксама пакуль застаецца нерэалізаваным праект продажу ЭБРР дзяржаўнай долі ў «Прыёрбанку» (больш 87,7% акцый належыць Raiffeisen CIS Region Holding GmbH).

Ад пачатку сваёй дзейнасьці ў Беларусі ў 1992 годзе Эўрапейскі банк рэканструкцыі і разьвіцьця выдаткаваў каля 2,5 млрд эўра на 114 праектаў у розных галінах эканомікі. Па выніках мінулага году ён прафінансаваў два дзясяткі праграмаў на 360 млн эўра, што зьяўляецца найлепшым вынікам за ўвесь час працы у Беларусі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG