Лінкі ўнівэрсальнага доступу

Паўночная Ірляндыя легалізавала аднаполыя шлюбы і аборты


Паўночная Ірляндыя стала апошняй тэрыторыяй Вялікай Брытаніі, якая ўзаконіла гей-шлюбы і аборты. Мясцовыя дэпутаты не сталі блякаваць прынятага ў Лёндане рашэньня, піша DW.

Закон, які дазваляе заключэньне аднаполых шлюбаў і, пры выкананьні пэўных умоваў, правядзеньне абортаў, набыў моц у Паўночнай Ірляндыі сёньня, 22 кастрычніка. Адпаведнае рашэньне было прынятае брытанскім парлямэнтам яшчэ ўлетку.

21 кастрычніка ў парлямэнтароў Паўночнай Ірляндыі не атрымалася падчас пасяджэньня заблякаваць гэта рашэньне. Такім чынам, гей-шлюбы і аборты легалізаваныя цяпер на ўсёй тэрыторыі Вялікай Брытаніі.

«Гэта гістарычны момант. Дзякуй усім удзельнікам кампаніі і дэпутатам ад Лейбарысцкай партыі, якія нястомна працавалі, каб дамагчыся гэтай знамянальнай перамогі ў барацьбе за роўнасьць і правы чалавека», — напісаў у сваім Twitter лідэр Лейбарысцкай партыі Джэрэмі Корбін.

15 кастрычніка ў Шатляндыі была аўтаматычна пагашаная судзімасьць мужчын, асуджаных у апошнія дзесяцігодзьдзі за гомасэксуальныя стасункі з узаемнай згоды.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG