Лінкі ўнівэрсальнага доступу

Ва Ўкраіне арыштаваны адзін з найбліжэйшых бізнэс-партнэраў Пятра Парашэнкі


Алег Гладкоўскі ў антыкарупцыйным судзе, 19 кастрычніка 2019
Алег Гладкоўскі ў антыкарупцыйным судзе, 19 кастрычніка 2019

У Кіеве Вышэйшы антыкарупцыйны суд пастанавіў абраць былому намесьніку кіраўніка Рады нацыянальнай бясьпекі і абароны (РНБА) Алегу Гладкоўскаму меру стрыманьня ў выглядзе арышту на два месяцы. Прадугледжаная магчымасьць вызваленьня з-пад варты пад заклад у 10 мільёнаў 600 тысяч грыўняў (прыблізна 425 тысяч даляраў).

Як паведамляе агенцтва УНІАН, у выпадку ўнясеньня закладу, Гладкоўскаму нельга будзе выяжджаць за межы Кіеўскай вобласьці, ён таксама павінен будзе здаць на захоўваньне свае пашпарты і не кантактаваць са сьведкамі ў справе. Прадугледжанае і нашэньне электроннага бранзалета.

17 кастрычніка Гладкоўскі быў затрыманы супрацоўнікамі Нацыянальнага антыкарупцыйнага бюро. Ён спрабаваў пакінуць тэрыторыю Ўкраіны праз аэрапорт «Барыспаль», але памежнікі не прапусьцілі яго да самалёта ў залю вылету.

У пятніцу, 18 кастрычніка, Спэцыялізаваная антыкарупцыйная пракуратура паведаміла Алегу Гладкоўскаму, што ён падазраецца ў злоўжываньні ўладай і службовым становішчам, а таксама ў распаўсюдзе непраўдзівых зьвестак. Сьледчыя лічаць, што ён выкарыстаў службовае становішча дзеля выгады аўтамабільнай кампаніі, якая яму належыць, паведаміла агенцтва УНІАН.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG