Лінкі ўнівэрсальнага доступу

Каля амбасады Турэччыны ў Менску адбылася акцыя актывістаў анархісцкага руху «Рукі прэч ад Курдыстану!»

абноўлена

Чацьвёра хлопцаў з чорнымі павязкамі на твары трымалі плякаты і скандавалі: «Рукі прэч ад Курдыстану!», «Эрдаган фашыст».

Яны раскінулі лістоўкі «Спынім турэцкую агрэсію супраць Ражавы». (Rojava — курдзкая аўтаномія, абвешчаная ў 2014 годзе на поўначы Сырыі).

Скандавалі таксама «Свабоду Ражаве, сьмерць турэцкай імпэрыі!», «Сьмерць турэцкаму фашызму!».

«Мы тут, каб выказаць салідарнасьць з народам Курдыстану, які змагаўся супраць ІДзІЛу і супраць імпэрыялізму за свабоду», — сказаў падчас акцыі адзін з удзельнікаў.

Да іх падбег міліцыянт-ахоўнік, які вырываў плякаты, а потым спрабаваў затрымаць удзельнікаў акцыі. Ён ухапіўся за аднаго з хлопцаў, але астатнія трымаліся за свайго сябра. Урэшце яны вырваліся і зьбеглі.

Мінакі падымалі лістоўкі і чыталі. З амбасады да ўдзельнікаў акцыі ніхто ня выйшаў.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG