Лінкі ўнівэрсальнага доступу

Жыхары Ганконгу пратэстуюць пасьля забароны на маскі


Тысячы жыхароў Ганконгу выйшлі на незаплянаваныя вулічныя пратэсты пасьля таго, як гарадзкая адміністрацыя анансавала забарону на нашэньне масак падчас вулічных дэманстрацый, паведамляе Бі-бі-сі.

Сытуацыя ў Ганконгу абвастрылася пасьля таго, як паліцэйскі параніў з агнястрэльнай зброі 14-гадовага дэманстранта. Ён знаходзіцца ў шпіталі ў цяжкім стане.

Субота — апошні дзень, калі гараджане могуць хаваць свае твары на вуліцах, адзначае карэспандэнт Бі-бі-сі. Шмат хто сышоў з працы, каб узяць удзел у пратэстах супраць забароны, сотні дэманстрантаў выйшлі на вуліцах у масках. Яны асьцерагаюцца, што ўлады гораду прымуць і іншыя абмежавальныя меры.

Пратэсты ў Ганконгу працягваюцца ад сакавіка. Дэманстранты спачатку дамагаліся адмены разгляду закона аб экстрадыцыі абвінавачаных у злачынствах у мацерыковы Кітай. Затым патрабаваньні пашырыліся. Галоўнае зь іх — захаваньне аўтаноміі горада і адстаўка ганконскіх уладаў. Гучаць і патрабаваньні незалежнасьці ад Кітаю. Кітайскія ўлады асуджаюць пратэсты і пагражаюць іх удзельнікам жорсткімі мерамі.

Ганконг, які доўгі час быў брытанскай тэрыторыяй, перайшоў пад сувэрэнітэт Кітаю ў 1997 годзе. Гораду гарантаваная шырокая аўтаномія ў рамках мадэлі «Адна краіна — дзьве сыстэмы» да 2047 году.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG