Лінкі ўнівэрсальнага доступу

Слуцкая міліцыя затрымала зьбіральнікаў подпісаў на выбарчым пікеце

абноўлена

Пікет Ігара Случака і Юрыя Піваварчыка за мэмарыял Слуцкім паўстанцам

А 13-й гадзіне 1 кастрычніка міліцыянты ў Слуцку затрымалі Ігара Случака і Юрыя Піваварчыка — кіраўніка і чальца ініцыятыўнай групы па вылучэньні паліттэхноляга Аліны Нагорнай кандыдаткай у дэпутаты Палаты прадстаўнікоў.

Супрацоўнікі міліцыі, як сказаў Свабодзе Случак, прасілі ў іх пасьведчаньні і падпісныя лісты. Актывісты паказалі дакумэнты, але абодвух усё роўна забралі ў РАУС, заявіўшы, што яны стаялі «там, дзе нельга стаяць». Случак кажа, што стаялі яны не ў забароненым для пікетаў месцы — каля Дома культуры.

Актывістаў адпусьцілі празь дзьве з паловай гадзіны і не выстаўлялі ніякіх абвінавачаньняў. Але, адзначае Случак, у Беларусі «ня часта затрымліваюць ініцыятыўныя групы».

Ён прызнае: мэтай акцыі быў ня збор подпісаў. Сама Нагорная не зьбіраецца вылучацца ў дэпутаты, а ініцыятыўныя групы рэгістраваліся, каб правесьці дасьледаваньне і зладзіць пікеты за помнік удзельнікам Слуцкага паўстаньня 1920 году (кампанія так і завецца: #ЗаПомнік).

На пікеце актывісты раздавалі паштоўкі з QR-кодам (адна такая ўжо была ў РАУС), які вядзе на галасаваньне на сайце 1920.by, дзе наведнікам прапануюць паўдзельнічаць у выбары варыянту помніка Слуцкім паўстанцам.

Актывісты таксама шукаюць месца для помніка. І гарадзкія ўлады, і рэлігійныя ўстановы адмовіліся даць тэрыторыю для такога ўшанаваньня Слуцкага збройнага чыну, таму надзея толькі на прыватныя тэрыторыі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG