Лінкі ўнівэрсальнага доступу

ЗША анансавалі новую ініцыятыву ў супрацьдзеяньні ўплыву Крамля


Брок Бірман
Брок Бірман

Прадстаўнік Агенцтва міжнароднага разьвіцьця ЗША (USAID) распавёў у чацьвер пра новую праграму, якая мае на мэце дапамагчы дэмакратычным інстытутам абараніцца ад умяшаньня Крамля.

Праграма называецца «Барацьба са зламысным уплывам Крамля» і мае дапамагчы такім краінам, як Грузія, Украіна і Малдова, абараніць свае выбары, процідзейнічаць прапагандзе і пазьбягаць энэргетычнай залежнасьці ад Расеі.

Ініцыятыва была ўпершыню анансаваная ў Парыжы ў ліпені гэтага году. У чацьвер памочнік адміністратара USAID Брок Бірман расказаў аб праграме дыпляматам у Варшаве, запэўніўшы іх, што Вашынгтон па-ранейшаму падтрымлівае дэмакратыю ва ўсім рэгіёне, які тры дзесяцігодзьдзі таму выйшаў з-пад кантролю Масквы.

Паводле Бірмана, Крэмль прымяняе «агрэсію мяккай сілы», умешваючыся ў выбары ва ўсім рэгіёне, ведучы інфармацыйную вайну і спрыяючы распаўсюджваньню карупцыі.

Па словах Бірмана, праграма прадугледжвае падтрымку незалежнай журналістыкі і праверкі фактаў у Малдове і на Балканах, а таксама дапамогу ў дывэрсыфікацыі энэргарэсурсаў, каб расейская энэргетыка не заставалася інструмэнтам палітычнага ціску.

Ён некалькі разоў падкрэсьліў, што ініцыятыва накіравана супраць Крамля, але не супраць расейскіх грамадзян.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG