Лінкі ўнівэрсальнага доступу

«Ад Скарыны пачатак». Гісторыя беларускай кнігі за 3 хвіліны ў анімацыйным фільме. ВІДЭА


Недзяржаўная арганізацыя «Саюз беларускіх пісьменьнікаў» у партнэрстве з грамадзкай кампаніяй «Будзьма беларусамі» выдала да Дня ведаў анімацыйны фільм «Ад Скарыны пачатак… Пяць стагодзьдзяў нашай кнігі».

За тры хвіліны відэа расказвае гісторыю беларускага кнігадруку: пра першую друкаваную кнігу Францішка Скарыны і статуты Вялікага Княства Літоўскага, пра падпольныя выданьні Кастуся Каліноўскага і «нашаніўскія» часы — пра ўсё аж да да Нобэлеўскай прэміі ў літаратуры, што атрымала Сьвятлана Алексіевіч.

На думку стваральнікаў мультфільма, беларуская кніга яднала нацыю і рухала яе наперад, а дзякуючы распаўсюднікам друкаванага слова паўстаў масавы беларускі рух, вынікам якога стала абвяшчэньне незалежнасьці Беларускай Народнай Рэспублікі.

Мультфільм агучыў актор Купалаўскага тэатру Аляксандар Малчанаў. Стужку зрэжысэравала і спрадусавала крэатыўная агенцыя «Малако».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG