Лінкі ўнівэрсальнага доступу

Сакратар Савету бясьпекі Беларусі сустрэўся ў Варшаве з дарадцам Дональда Трампа


Станіслаў Зась у сядзібе Бюро Нацыянальнай Бясьпекі Польшчы, Варшава
Станіслаў Зась у сядзібе Бюро Нацыянальнай Бясьпекі Польшчы, Варшава

Дарадца прэзыдэнта ЗША Дональда Трама Джон Болтан, які ў чацьвер сустрэўся з Аляксандрам Лукашэнкам, праводзіць сёньня ў Варшаве перамовы з сакратаром Савету бясьпекі Беларусі Станіславам Засем. Пра гэта сьведчыць здымак і подпіс да яго, які Болтан разьмясьціў у сваім Твітары.

«Я вельмі рады пачаць сёньня ў Варшаве размову з маімі польскімі, украінскімі і беларускімі калегамі. Мы падзяляем агульныя праблемы з нагоды стабільнасьці ў рэгіёне і імкнемся да ўмацаваньня сувэрэнітэту і бясьпекі нашых дзяржаў», — напісаў дарадца Трампа.​

Здымак зроблены ў сядзібе Бюро нацыянальнай бясьпекі Польшчы. Гэта польская дзяржаўная ўстанова, якая займаецца рэалізацыяй задачаў па нацыянальнай бясьпецы. Яна падпарадкоўваецца прэзыдэнту Польшчы.

Сустрэча Станіслава Зася з кіраўніцтвам Бюро Нацыянальнай Бясьпекі Польшчы
Сустрэча Станіслава Зася з кіраўніцтвам Бюро Нацыянальнай Бясьпекі Польшчы

Як паведамляе сайт Бюро нацыянальнай бясьпекі Польшчы, учора яго кіраўнік Павэл Солях сустракаўся з Засем, а таксама намесьнікам міністра замежных справаў Беларусі Алегам Краўчанкам і паслом Беларусі ў Польшчы Ўладзімерам Чушавым. На сустрэчы абмяркоўваліся пытаньні двухбаковых дачыненьняў і рэгіянальнай бясьпекі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG