Па выніках першай паловы 2019 году Беларусь заняла трэцяе месца па абʼёмах закупак расейскага газу.
Пра гэта паведамляе выданьне «Заўтра тваёй краіны» са спасылкай на «Газпром».
У параўнаньні з аналягічным пэрыядам мінулага году Беларусь апярэдзіла Турэччыну ў сьпісе найбуйнейшых кліентаў «Газпрому», больш за Беларусь купляюць расейскага газу толькі Нямеччына і Італія.
Сярод постсавецкіх краінаў скараціў імпарт расейскага газу Казахстан (з 2,243 млрд да 1,567 млрд кубамэтраў), у Эўропе паменшылі сёлета закупкі расейскага газу Нямеччына, Турэччына, Польшча і Вялікабрытанія. У той жа час Аўстрыя, Вугоршчына і Чэхія павялічылі імпарт газу з РФ.
Раней Украіна была адным з найбуйнейшых імпартэраў расейскага газу, але ў першай палове 2019 году абʼем украінскіх закупак склаў 1,547 млрд кубамэтраў.
Топ-10 найбуйнейшых імпартэраў расейскага газу ў першым паўгодзьдзі 2019 году
|
Аб'ем імпарту ў студзені-чэрвені 2019 г., у млрд. кубамэтраў |
Аб'ем імпарту ў студзені-чэрвені 2018 г., у млрд. кубамэтраў | |
| Нямяччына | 26.981 | 29.596 |
| Італія | 11.683 | 11.511 |
| Беларусь | 10.138 | 10.101 |
| Турэччына | 8.114 | 12.742 |
| Аўстрыя | 7.434 | 5.711 |
| Францыя | 6.522 | 6.401 |
| Вялікабрытанія | 6.059 | 7.401 |
| Вугоршчына | 5.342 | 3.100 |
| Польшча | 4.349 | 6.037 |
| Чэхія | 4.157 | 2.819 |
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў