Лінкі ўнівэрсальнага доступу

Трамп адклаў мыта на кітайскі экспарт


Прэзыдэнт ЗША Дональд Трамп
Прэзыдэнт ЗША Дональд Трамп

Прэзыдэнт ЗША Дональд Трамп заявіў 13 жніўня, што мае намер адкласьці ўвядзеньне дадатковага мыта на тавары кітайскай вытворчасьці. Гэта, у прыватнасьці, дазволіла разьвеяць асьцярогі інвэстараў, якія баяліся сур’ёзнай гандлёвай вайны паміж краінамі і яе ўплыву на сусьветную эканоміку.

Амэрыканскія фондавыя біржы адказалі скачком курсу акцый на гэтую заяву Трампа. Акцыі большасьці кампаній, прадстаўленых на фінансавых рынках ЗША, падаражэлі, а цэны на сыравіну, уключаючы нафту, вырасьлі (з прыкладна 58 даляраў за барэль Brent да 61 даляра).

Да пачатку жніўня індэкс рынку ўпаў амаль на 10% ад піка, дасягнутага двума тыднямі раней. Падзеньне ўзмацнілася пасьля таго, як адміністрацыя Трампа абвясьціла, што Кітай маніпулюе сваёй валютай.

Экспэрты адзначаюць, што сьпіс тавараў, якія падлягаюць тарыфікацыі, складаецца ў асноўным з прадуктаў сельскагаспадарчай і прамысловай вытворчасьці. У тарыфікацыйны пералік практычна ня трапілі спажывецкія тавары, у прыватнасьці бытавая электроніка і тавары паўсядзённага ўжываньня.

Некаторыя эканамісты таксама бачаць адтэрміноўку новых тарыфаў як знак таго, што Трамп сурʼёзна зьвяртае ўвагу на сыгналы фондавага рынку і, магчыма, адчувае трывогу ў сувязі з тым, што фінансавыя рынкі не задаволеныя гандлёвай канфрантацыяй паміж Вашынгтонам і Пэкінам. Гэта дае інвэстарам падставы меркаваць, што Трамп не давядзе справу да гандлёвай вайны, што і прывяло да рэзкага росту рынкаў.

Летась адміністрацыя Трампа ўвяла 10-адсоткавы падатак на многія катэгорыі тавараў кітайскай вытворчасьці, але сьпіс быў абачліва складзены так, каб засяродзіцца ў першую чаргу на прадукцыі, якая прадаецца прадпрыемствам, а не на спажывецкіх таварах. Вясной адміністрацыя Трампа павысіла гэтую стаўку да 25 %, пагражаючы павысіць яе яшчэ на 10 %. Новае 10-адсоткавае мыта мусіла быць уведзена з 1 верасьня, але Трамп абвясьціў пра адтэрміноўку прынамсі да сярэдзіны сьнежня.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG