Лінкі ўнівэрсальнага доступу

Журналістцы Reuters, затрыманай на пратэстах у Маскве, уручылі позву ў войска


Карэспандэнтка агенцтва Reuters Марыя Цьвяткова, якая асьвятляла пратэстныя акцыі ў Маскве і была затрыманая 27 ліпеня, нягледзячы на акрэдытацыю і пасьведчаньне прэсы, атрымала позву ў расейскае войска. Прычым дакумэнт быў выпісаны на мужчынскае імя. Фота позвы Цьвяткова выклала ў фэйсбук:

«Мне ўчора патэлефанавала, скажам так, афіцыйная асоба райваенкамату і сказала, сьмеючыся, што ім прыйшла позва, і я там "Марый Уладзіміравіч". Сказалі мне сёньня забраць, што я і зрабіла», — распавяла Цьвяткова тэлеканалу «Настоящее Время».

«Там сядзела некалькі чалавек, адзін зь іх сказаў, што пасьля 27 ліпеня і 3 жніўня, калі ў Маскве былі несанкцыянаваныя пратэсты, прыйшло ўказаньне "прабіць" тых, хто затрымліваўся, па ўсіх базах афіцыйных органаў. Як я зразумела, калі ў расейскіх уладаў ёсьць каму-небудзь зь іх магчымасьць прад’явіць прэтэнзіі, напрыклад, за нявыплату падаткаў або ўхіленьне ад войска, то гэтыя прэтэнзіі вырашана прад’явіць. Каб людзі баяліся і ўжо не хадзілі на мітынгі», — патлумачыла яна.

​Тое, што прыставы праводзяць рэйды па кватэрах затрыманых на мітынгах і апісваюць іх маёмасьць за нявыплату алімэнтаў, падаткаў і камунальныя плацяжы, раней пацьвярджалі ў самой службе судовых прыставаў.

Таксама маскоўскія ўлады пацьвярджалі, што будуць шукаць сярод затрыманых на мітынгах тых, хто ўхіляецца ад войска.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG