Лінкі ўнівэрсальнага доступу

Генэральная пракуратура Ўкраіны «бачыць» удзельнікаў забойства Паўла Шарамета


Генэральная пракуратура Украіны «бачыць» меркаваных удзельнікаў забойства Паўла Шарамета, але для прасоўваньня расьсьледаваньня неабходна сабраць доказы. Пра гэта заявіў кіраўнік Генпракуратуры Юрый Луцэнка у інтэрвію «Радіо НВ». Прыводзіць якія-небудзь падрабязнасьці наконт «удзельнікаў» забойства ён адмовіўся.

Замах на Паўла Шарамета быў зьдзейсьнены 20 ліпеня 2016 году — пад ягоны аўтамабіль у Кіеве падклалі выбухоўку. Сьледзтва лічыць прафэсійную дзейнасьць рэдактара «Ўкраінскай праўды» асноўным матывам злачынства.

Пакараць вінаватых у забойстве журналіста абяцаў былы прэзыдэнт Украіны Пятро Парашэнка. Але за тры гады сьледзтва так і не ўстанавіла ні арганізатараў, ні выканаўцаў замаху. Новы прэзыдэнт краіны Уладзімір Зяленскі ў канцы мінулага месяца правёў сустрэчу з кіраўніком Нацыянальнай паліцыі з нагоды расьсьледаваньня. Па яе выніках Зяленскі заявіў: «Думаю, што ў нас з вамі будзе вынік».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG