Згодна з паведамленьнем уладаў, гэта адбылося 29 ліпеня ў выніку канфлікту паміж злачыннымі групоўкамі: члены банды з аднаго турэмнага блёку ўварваліся ў іншую частку турмы Альтаміра у штаце Пара.
Як паведамілі прадстаўнікі ўладаў, 16 у загінулых былі адрэзаныя галовы. Іншыя — задыхнуліся пасьля таго, як частку турмы падпалілі.
Сутыкненьні і беспарадкі паміж бандамі адбываюцца часта ў перапоўненых турмах Бразыліі.
У траўні 55 зьняволеных загінулі падчас шэрагу беспарадкаў у некалькіх турмах у штаце Амазонас.
Бразылія — адна з краін з найбольшай колькасьцю зьняволеных: каля 700 000.
