Пяцьдзесят сем зьняволеных загінулі падчас беспарадкаў у турмах заходняй Бразыліі, паведамляюць мясцовыя ўлады.
Чыноўнікі паведамілі мясцоваму навінаваму агенцтву Agencia Brasil, што 42 зьняволеныя былі знойдзеныя мёртвымі 27 траўня ў горадзе Манаус, сталіцы штату Амазонас. На іх целах прыкметы сьмерці ад удушша. За дзень да гэтага высьвятленьне адносінаў паміж варагуючымі турэмнымі групоўкамі забрала жыцьцё 15 зьняволеных.
У заяве дэпартамэнту выкананьня пакараньняў штата Амазонас пацьвярджаецца колькасьць загінулых.
Міністэрства юстыцыі і грамадзкай бясьпекі Бразыліі заявіла, што накіруе мэтавую групу ў рэгіён, дзяржаўны сакратар турмы абвясьціў пра пачатак расьсьледаваньня.
Сутыкненьні паміж турэмнымі бандамі — нярэдкая зьява ў Бразыліі. У пачатку 2017 году Бразылія была ўзрушаная хваляй турэмных бунтаў, у выніку якой загінулі амаль 100 зьняволеных.
