Лінкі ўнівэрсальнага доступу

Джонсан стаў новым прэмʼерам Вялікабрытаніі — 5 сьведчаньняў таго, што зь ім ня будзе сумна


Барыс Джонсан на абвешчаньне новага лідэра Кансерватыўнай Партаыі Вялікабрытаніі
Барыс Джонсан на абвешчаньне новага лідэра Кансерватыўнай Партаыі Вялікабрытаніі

Сёньня стала вядома, што пасаду прэмʼер-міністра Вялікабрытаніі зойме Барыс Джонсан — былы мэр Лёндана, старшыня Кансэрватыўнай партыі Брытаніі. У сваёй першай прамове ў якасьці лідэра партыі, Джонсан паабяцаў «абʼяднаць краіну і завершыць Brexit».

Сваю карʼеру палітык зрабіў не ў апошнюю чаргу дзякуючы часткова камічнаму вобразу. У апошнія некалькі гадоў гэта стала сусьветным трэндам — пачынаючы ад Трампа і заканчваючы Зяленскім. Пакуль новы прэмʼер-міністар атрымлівае віншаваньні (у тым ліку і ад Трампа) мы паспрабуем узгадаць дзесяць момантаў з Барысам Джонсанам, якія сьведчаць аб тым, што з такім эксцэнтрычным прэмʼер-міністрам будзе весела (і ня толькі брытанцам).

Барыс Джонсан і вэнджаная рыба

Пяць дзён таму Барыс Джонсан сьцьвярджаў, што паводле рэгуляцыяў Эўразьвязу, вэнджаная рыба павінна пастаўлялася ў ахалоджваючых упакоўках. На абвяшчаньні кандыдатаў у прэмʼер-міністры ад Кансэрватыўай партыі, Джонсан выцягнуў з-пад подыюму вэнджаную рыбу. Ён сказаў, што яна выраблена на высьпе Мэн і што яе вытворца раззлаваны жорсткімі рэгуляцыямі Эўразьвязу.

Але праблема ў тым, што выспа Мэн не ўваходзіць ў склад Эўразьвяза, а сама рэгуляцыя латычыць толькі сьвежай рыбы, а ня вэнджанай.

Барыс Джонсан і грэцкія алівы

У 2013 годзе Барыс Джонсан заявіў, што ён лічыць неверагодным тое, што Эўразьвяз можа дыктаваць брытанцам, што і як есьці.

«Спачатку яны нам кажуць, што мы павінны сваімі падаткамі фінансаваць грэцкія аліўкавыя гаі, шмат якія зь іх магчыма нават і не існуюць, а потым яны нам кажуць, што мы ня можам макаць хлеб у аліўкавы алей у нашых рэстарацыях. Мы далучыліся да агульнага рынку [...], не для таго, каб нам казалі калі, як і дзе нам есьці аліўкавы алей, якія мы самі суфінансавалі.»

Алівы і аліўкавы алей
Алівы і аліўкавы алей

Барыс Джонсан і «крэветкавы кактэйль»

У 1993 годзе, калі Барыс Джонсан яшчэ працаваў на выданьне The Telegraph, ён напісаў, што Эўразьвяз зьбіраецца забараніць адзін з самых папулярных у Брытаніі тыпаў чыпсаў — чыпсы са смакам «крэветкавага кактэйлю». Высьвятлялася, што ўсё значна прасьцей — Эўразьвяз складаў ліст штучных араматызатараў, а Вялікабрытанія забылася ўнесьці туды «крэвэткавы кактэйль».

Барыс Джонсан і «крывыя» бананы

Паводле былога міністра замежных справаў Вялікабрытаніі і мэра Лёндана, Эўразьвяз дыктуе Брытаніі, якой формы павінны быць бананы, што прадаюцца на высьпе. Гэта яшчэ адзін міт, які ён стварыў падчас сваёй працы ў Брусэлі, працуючы для The Telegraph.

Насамрэч, рэгуляцыі Эўразьвяза распаўсюджваюцца толькі на градацыю бананаў па іх якасьці, але «крывыя бананы» ніхто не забараняў.

Бананы
Бананы

Барыс Джонсан і яго незвычайнае хобі

Калі Барыса Джонсана запыталі пра яго хобі, ён даў наступны адказ:

«Мне падабаецца расфарбоўваць розныя рэчы. Ці нешта ствараць. Часам я раблю мадэлі аўтобусаў. Я раблю іх з, скажам, старых драўляных скрынак ад віна, і размалёўваю іх. Гэта скрыня разьлічаная на дзьве пляшкі віна, і яна мае такую разьдзяляльную штуку. Тады я малюю пасажыраў, якія едуць задавольныя ў аўтобусе. У аўтобусе як адзін з тых, якія пры нас пачалі езьдзіць па вуліцах Лёндана, тыя што зьніжаюць выкід CO2, выкід аксіда азоту, зьніжаюць забруджваньне асяродзьдзя».

Падрыхтаваў Ян Поклад

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG