Лінкі ўнівэрсальнага доступу

Амбудсмэны Расеі і Ўкраіны папросяць прэзыдэнтаў памілаваць зьняволеных


Тацьцяна Маскалькова (зьлева) т Людміла Дзянісава (справа)

Упаўнаважаная ў правах чалавека ў Расеі Тацьцяна Маскалькова і ўпаўнаважаная ў правах чалавека Вярхоўнай Рады Ўкраіны Людміла Дзянісава на сустрэчы ў аўторак абмяняліся сьпісамі грамадзян сваіх краін, вязьняў у калёніях і СІЗА на чужой тэрыторыі.

Яны склалі «дарожную мапу» па вяртаньні грамадзян дадому — у прыватнасьці, амбудсмэны дамовіліся, што зьвернуцца да прэзыдэнтаў сваіх дзяржаваў, Уладзіміру Пуціну і Уладзіміру Зяленскаме, з просьбай аб іх памілаваньні.

Паведамляецца, што ў сьпісе Дзянісавай 150 чалавек. Маскалькова колькасьць зьняволеных у сваім сьпісе не ўдакладніла.

Ад моманту анэксіі Расеяй Крыму і ўзброенага канфлікту ў Данбасе, расейскімі і ўкраінскімі ўладамі былі арыштаваныя і асуджаныя сотні грамадзян не сваёй краіны. Сярод іх — украінскі рэжысэр Алег Сянцоў, так званыя «крымскія дывэрсанты», маракі з захопленых Расеяй у Керчанскай затоцы катэраў ВСУ, галоўны рэдактар РІА Навіны-Украіна Кірыл Вышынскі, і многія іншыя.

Раней Уладзімір Пуцін заяўляў, што вяртаньне на радзіму ўкраінскіх маракоў можна будзе абмяркоўваць толькі пасьля суду над імі на тэрыторыі Расеі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG