Лінкі ўнівэрсальнага доступу

Прафэсіяналка


Артура Рычы, «Гарбата пасьля абеду» (1919)

Гэта цяпер няма праблемы купіць эклеры, круасаны, розныя піражкі і печыва. У пераходныя 90-я на многае з гэтай смакаты быў востры дэфіцыт.

У мясцовым тэатры ішоў спэктакль па клясычнай п’есе, дзе галоўная гераіня з апэтытам сьнедала эклерамі. Закупляла іх бутафор. Праз перанос спэктаклю эклеры праляжалі ў бутафорскай два тыдні, але сьвежых купіць не было магчымасьці праз банальную іх адсутнасьць. Прыма тэатру з апэтытам і асалодай на твары паядала зачарсьцьвелы рэквізыт.

Пасьля за кулісамі акторка злосна кінула ў бок памочніка рэжысэра:

— Не пасьлізьніцеся! Пад сталом вашы плястыкавыя эклеры!

Якім чынам яна непрыкметна выплёўвала пад стол гэтую «смакату», для ўсіх засталося загадкай.

Ала Клемянок

Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG