Лінкі ўнівэрсальнага доступу

У Іркуцкай вобласьці Расеі знайшлі жывымі 30 чалавек, зьніклых пасьля паводкі


У Іркуцкай вобласьці Расеі знайшлі жывымі 30 чалавек, якія лічыліся зьніклымі бязь вестак пасьля паводкі. Невядомым застаецца лёс 11 мясцовых жыхароў. 22 чалавекі загінулі. Пра гэта паведамляе «Інтэрфакс» са спасылкай на ўрад рэгіёну.

Адна з найбуйнейшых паводак у гісторыі Іркуцкай вобласьці затапіла каля 100 населеных пунктаў. Тры з паловай тысячы дамоў былі цалкам разбураныя, 33 тысячы чалавек поўнасьцю або часткова пазбавіліся маёмасьці.

Паводка ў Іркуцкай вобласьці пачалася на мінулым тыдні з прычыны праліўных дажджоў. Зь берагоў выйшлі пяць буйных рэк — левыя прытокі Ангары.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG