Лінкі ўнівэрсальнага доступу

На Купальле пакажуць невядомыя кінахронікі Быкава


Васіль Быкаў, 1974 год

7 ліпеня ў музэі-лецішчы Васіля Быкава пакажуць адрэстаўраваныя і невядомыя дагэтуль шырокай грамадзкасьці хатнія кінахронікі, на якіх быў зьняты Васіль Быкаў зь сябрамі.

Здымкі рабіў сын кампазытара Яўгена Глебава Радзівон на 8-мілімэтровую кінакамэру.

Імпрэза прымеркаваная да 95-годзьдзя з дня нараджэньня Васіля Быкава і 90-годзьдзя з дня нараджэньня кампазытара Яўгена Глебава.

Акурат 7 ліпеня 52 гады таму зьявіўся балет «Альпійская баляда» на музыку Яўгена Глебава.

Ганаровым госьцем імпрэзы будзе ўдава кампазытара Ларыса Глебава.

Выступіць таксама музыка Раман Абрамчук.

Пачатак а 16-й, уваход вольны.

Музэй-лецішча Быкава месьціцца на 6-й Дачнай вуліцы, 62 у Ждановічах-6. Да найбліжэйшага прыпынку прыгараднага транспарту — «Рэспубліканскі інтэрнат вэтэранаў вайны і працы» — паўтара кілямэтры.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG