Лінкі ўнівэрсальнага доступу

Як я бамбіў Сэрбію


Паўле «Пая» Яванавіч «Перасяленьне сэрбаў» (1896)

Разбалелася галава так, што мусіў пайсьці ў раённую паліклініку ў Празе. Ледзьве запоўніў анкету пацыента, так ламіла; лекар узяў чытаць, дайшоў да месца працы — Радыё Свабода — і рэзка спытаў:

— Чаму вы бамбіце Югаславію?!

NATO якраз пачало рэйды супраць войскаў Мілошавіча, каб спыніць генацыд у Косаве. Грамадзкая думка ў Чэхіі палярна падзялілася.

— А чаму вы рэжаце касавараў? — спытаўся я.

Далейшая дыскусія нагадвала бамбаваньне: мэдсястра заціснулася ў кут, з калідора заглядвалі цікаўныя. Нарэшце лекар заўважыў, што я ўжо ледзь сяджу, і скамандаваў:

— Іньекцыя, 500, унутрывенна!

Вось і канец, падумаў я. Але ж не — сёлета Косава 21-шы раз сьвяткавала незалежнасьць. Гуманізм перамог.

Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG