Лінкі ўнівэрсальнага доступу

Больш за 80 чалавек патанулі ў Міжземным моры


Архіўнае фота
Архіўнае фота

Больш за 80 чалавек былі на борце судна зь мігрантамі, якое затанула 4 ліпеня ў Міжземным моры, паведаміла Міжнародная арганізацыя па міграцыі.

«Аварыя адбылася каля ўзьбярэжжа Тунісу, чатыры чалавекі былі выратаваны і дастаўлены ў Туніс. Яны паведамілі, што на іх лодцы было 86 чалавек. Каля 80 мігрантаў можна лічыць мёртвымі», — гаворыцца ў паведамленьні.

Паведмаляецца таксама, што адзін з чатырох уратаваных пазьней памёр у бальніцы.

Паводле берагавой аховы Тунісу, судна накіроўвалася зь Лібіі ў Італію.

Лібія ўжо доўгі час зьяўляецца асноўным транзытным маршрутам для мігрантаў, якія спрабуюць нелегальна трапіць у Эўропу з Афрыкі. Сёлета ў траўні каля 70 мігрантаў загінулі, калі іх лодка патанула каля прыбярэжнага туніскага гораду Сфакс.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG