Лінкі ўнівэрсальнага доступу

У Слуцку суд пакараў вайскоўца за дзедаўшчыну


У Слуцку вынесьлі прысуд радавому В. за нанясеньне салдату Р. менш цяжкага цялеснага пашкоджаньня — 3 гады абмежаваньня волі без накіраваньня ў папраўчую ўстанову адкрытага тыпу.

На карысьць пацярпелага абвінавачаны павінен сплаціць 2000 рублёў кампэнсацыі маральнай шкоды.

Пра гэта паведамляецца на сайце Генпракуратуры.

Слуцкі раённы суд прызнаў В. вінаватым у гвалце над вайскоўцам Р., які ня быў «у адносінах падпарадкаванасьці».

Падчас тэрміновай службы ў Слуцку радавы В. вырашыў паказаць сваю ўяўную перавагу над салдатам больш позьняга прызыву Р., падпарадкаваць яго свайму ўплыву.

Летась 18 жніўня з надуманай нагоды ён выказаў незадаволенасьць тым, як прыбрана казарма і як выконваецца распарадак дня.

«Пасьля гэтага са значнай сілай нанёс удары нагой па руцэ і нагах радавога Р., зрабіўшы яму фізычны боль, пабоі, а таксама закрыты пералом левай локцевай косткі», — гаворыцца ў паведамленьні.

Падчас службовага расьсьледаваньня ў вайсковай частцы В. спрабаваў схаваць злачынства. Але ў судзе цалкам прызнаў віну.

Радавы В. кампэнсаваў выдаткі на лекаваньне Р., аднак не зрабіў дзейсных захадаў, каб загладзіць шкоду.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG