Лінкі ўнівэрсальнага доступу

На сайце Skyscanner стала немагчыма купіць авіябілет у Крым


Аэрапорт Сімферопаля.

У адной з найбуйнейшых сыстэм пошуку авіябілетаў Skyscanner перасталі паказвваццца рэйсы ў аэрапорт Сімферопаля ў анэксаваным Расеяй Крыме.

Пры спробе знайсьці квіткі ў Сімферопаль на любыя даты сыстэма выдае паведамленьне, што квіткоў няма. На гэта зьвярнула ўвагу выданьне «Коммерсант».

У самой кампаніі не змаглі патлумачыць прычыну таго, што адбылося. У прэсавай службе расейскага падразьдзяленьня Skyscanner паведамілі РБК, што спэцыялісты «высьвятляюць прычыны збою» і паведамяць пра іх, як толькі яны стануць вядомыя.

Пры гэтым крыніцы «Коммерсанта» і РБК ў турыстычнай галіны сьцьвярджаюць, што прычынай «зьнікненьня» крымскага аэрапорту маглі стаць санкцыі, уведзеныя Злучанымі Штатамі і краінамі ЭЗ у сувязі з анэксіяй Крыму. Нядаўна падоўжаныя санкцыі ЭЗ, у прыватнасьці, забараняюць кампаніям з краін Эўразьвязу аказваць якія-небудзь паслугі ў Крыме.

Як адзначае «Коммерсант», турыстычныя кампаніі ўжо ня першы раз адчуваюць складанасьці з працай у Крыме. Там не працуе сыстэма браніраваньня Airbnb, а на Booking. com забраніраваць гатэль у Крыме можна, толькі калі паставіць адзнаку аб службовай камандзіроўцы.

Аэрапорт Сімферопаля лічыцца міжнародным, аднак з прычыны санкцый, а таксама ў сувязі з тым, што па міжнародных правілах Украіна працягвае несьці адказнасьць за паветраную прастору над Крымам, рэйсы туды робяць толькі расейскія авіякампаніі з тэрыторыі Расеі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG