Лінкі ўнівэрсальнага доступу

Каля будынку парлямэнту Грузіі ў Тбілісі аднавілася акцыя пратэсту


Акцыя пратэсту перад парлямэнтам, 22 чэрвеня 2019
Акцыя пратэсту перад парлямэнтам, 22 чэрвеня 2019

Каля будынку парлямэнту Грузіі ў Тбілісі праходзіць новая акцыя пратэсту, паведамляюць грузінскія СМІ. Патрабаваньні ўдзельнікаў мітынгу не зьмяніліся: адправіць у адстаўку кіраўніка МУС краіны Георгія Гахарыя, пакараць паліцыянтаў, якія жорстка разагналі акцыю 20 чэрвеня, і вызваліць усіх затрыманых да канца дня.

Таксама пратэстоўцы патрабуюць, каб наступныя парлямэнцкія выбары праводзіліся паводле прапарцыйнай сыстэмы, перадае «Грузия Online».

Як перадае РБК, яшчэ адна ўмова удзельнікаў мітынгу — адстаўка міністра юстыцыі Тэа Цулукіяні. МУС Грузіі папрасіла ўдзельнікаў акцыі не парушаць закон аб свабодзе выказваньня, захоўваць грамадзкі парадак, не заклікаць да гвалту і агрэсіі.

У ведамстве таксама паведамілі, што пад адміністрацыйным арыштам за ўдзел у мінулым мітынгу застаецца 121 чалавек.

Арганізатары суботняй акцыі заявілі, што яна працягнецца да таго часу, пакуль ня будуць поўнасьцю задаволеныя іх патрабаваньні.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG