Лінкі ўнівэрсальнага доступу

Пасьля чатырох паразаў футбольнай зборнай Беларусі галоўны трэнэр пакінуў пасаду


Ігар Крывушэнка

Галоўны трэнэр футбольнай зборнай Беларусі Ігар Крывушэнка пакінуў сваю пасаду, паведамляе БелТА.

Такое рашэньне было прынятае 13 чэрвеня на сустрэчы кіраўніцтва Асацыяцыі «Беларуская фэдэрацыя футболу» (АБФФ) з трэнэрскім складам зборнай.

Рашэньне аб спыненьні супрацоўніцтва паміж трэнэрскім штабам і АБФФ было прынятае пры пагадненьні бакоў.

Ігар Крывушэнка ўзначаліў зборную ў сакавіка 2017 году. Пад яго кіраўніцтвам зборная Беларусі правяла 25 матчаў, атрымаўшы 8 перамог пры 4 нічыіх і 13 паразаў, а таксама выйшла ў паўфінал Лігі нацый у дывізыёне D (супернікамі беларусаў былі Люксэмбург, Сан-Марына і Малдова).

Але ў адборачным турніры да Эўра-2020 зборная пацярпела чатыры паразы: двойчы ад Паўночнай Ірляндыі, па адным разе ад Нямеччыны і Нідэрляндаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG