Лінкі ўнівэрсальнага доступу

У Харкаве зьнесьлі помнік маршалу Жукаву. ВІДЭА


Удзельнікі акцыі «Разьвітаньне зь мясьніком» каля помніка маршалу Жукаву ў Харкаве, 19 траўня 2019

2 чэрвеня ва ўкраінскім Харкаве зьнесьлі бюст савецкага маршала Георгія Жукава.

У Харкаве праходзіў зьезд новай партыі, якую разам з саюзьнікамі ствараюць мэр Харкава Генадзій Кернэс і мэр Адэсы Генадзій Труханаў. Пад Палацам спорту, дзе адбываўся зьезд, прайшоў пратэст, адбыліся сутыкненьні і быў паранены прынамсі адзін чалавек.

Як паведамляе UA Харкаў, удзел у акцыі пратэсту прынялі прадстаўнікі «Самаабароны», «Харкаўскага эўрамайдану», «Нацыянальных дружын» і партыі «Нацыянальны корпус».

Пасьля таго, як на месцы акцыі зьявіліся ўзмоцненыя нарады паліцыі, актывісты перамясьціліся да бюста Жукаву і зьнесьлі яго. Замест бюста ўдзельнікі акцыі ўсталявалі на пастамэнце сьцяг Украіны. Сам бюст пачалі разьбіваць малаткамі і сякерамі. На сьпіне Жукава зрабілі надпіс «Кат».

Увага, у відэа прысутнічаюць нецэнзурныя выразы:

Георгій Жукаў — савецкі палкаводзец часоў Другой сусьветнай вайны. Асоба маршала Жукава ў гістарычнай і публіцыстычнай літаратуры мае супрацьлеглыя ацэнкі, крытыкі лічаць, што ён не цаніў жыцьцё салдат. «Жукаўскае апэратыўнае мастацтва — гэта перавага ў сілах ў 5-6 разоў, а інакш ён ня будзе брацца за справу, ён ня ўмее ваяваць ня колькасьцю, і на крыві будуе сабе кар’еру», — так ацаніў Жукава іншы савецкі палкаводзец, маршал Андрэй Яроменка.

Мэр Харкава Генадзій Кернэс заявіў, што помнік Жукаву будзе адноўлены.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG