Лінкі ўнівэрсальнага доступу

Уладзімер Цэсьлер сплаціў унёскі ў Саюз дызайнэраў і выйшаў зь яго


Уладзімер Цэсьлер
Уладзімер Цэсьлер

Пра гэта майстар беларускага дызайну расказаў Каці Маркоўскай у праекце «Морква». Ён сплаціў унёскі і цяпер ня мае з гэтым саюзам ніякіх адносінаў.

На пачатку 2019 году Беларускі саюз дызайнэраў прыгразіў выключыць за нясплату ўнёскаў за 2015–2018 гады амаль сотню чальцоў, сярод якіх апынуўся і Ўладзімер Цэсьлер.

«Ну не заплаціў я, што вы адразу ў друк?.. Хаця мне нехта сказаў, што дзякуючы гэтай навіне даведаліся, што існуе такі Саюз дызайнэраў у Беларусі», — сказаў Цэсьлер.

Унёсак за год сяброўства ў Беларускім саюзе дызайнэраў — дзьве базавыя велічыні, на сёньня гэта 51 рубель.

«Вы што, існуяце для таго, каб вам унёскі плацілі? А вось, напрыклад, дызайнэр, у якога няма грошай. Вы яго выганяеце ці вы будзеце яму дапамагаць? Для чаго гэты саюз? Для таго толькі, каб зьбіраць грошы?» — абурыўся Цэсьлер.

Гэтая публікацыя падрыхтаваная з выкарыстаньнем інфармацыі БелаПАН.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG