У Альжыры ніводзін кандыдат не зарэгістраваўся на прэзыдэнцкія выбары. Пра гэта ў нядзелю, 26 траўня, паведаміла дзяржаўнае радыё краіны. Тэрмін падачы кандыдатур скончыўся апоўначы ў суботу.
Канал Al Jazeera паведамляе, што змагацца за пасаду прэзыдэнта спрабавалі зь дзясятак прэтэндэнтаў, але ніводзін зь іх не сабраў неабходнай колькасьці подпісаў — 60 000.
Прэзыдэнцкія выбары ў краіне маюць адбыцца 4 ліпеня. Паводле паведамленьня, Канстытуцыйная рада краіны мусіць да панядзелка вырашыць, ці перанесьці галасаваньне на больш позьні тэрмін.
Прэзыдэнт Альжыру Абдэль Азіз Бутэфліка падаў у адстаўку 2 красавіка сёлета пад ціскам маніфэстацыяў пратэсту і заклікаў найвышэйшага вайсковага апарату, які фактычна кантралюе краіну. Ён кіраваў Альжырам 20 гадоў.
На запыт агенцтва France-Presse аб магчымых кандыдатах на прэзыдэнцкія выбары, Канстытуцыйная рада Альжыру не дала ніякага камэнтара.
