Лінкі ўнівэрсальнага доступу

Віцэ-канцлер Аўстрыі сыдзе ў адстаўку праз скандал з расіянкай


Віцэ-канцлер Аўстрыі Хайнц-Крысьціян Штрахе
Віцэ-канцлер Аўстрыі Хайнц-Крысьціян Штрахе

Віцэ-канцлер Аўстрыі Хайнц-Крысьціян Штрахе абвясьціў у суботу пра сыход у адстаўку на фоне публікацыі нямецкімі СМІ скандальных відэазапісаў зь яго удзелам, на якіх ідзе гаворка пра магчымыя таемныя фінансавыя зьдзелкі ў абыход аўстрыйскай падліковай палаты перад парлямэнцкімі выбарамі ў 2017 годзе.

Хайнц-Крысціян Штрахе
Хайнц-Крысціян Штрахе

Паводле Reuters, пра гэта заявіў у суботу сам віцэ-канцлер Аўстрыі і лідэр Аўстрыйскай партыі свабоды Хайнц-Крысьціян Штрахе на прэс-канфэрэнцыі ў Вене.

«Мая пэрсона не павінна стаць прычынай для зачэпкі ў падрыве працы гэтага ўраду, таму што менавіта гэта было мэтай гэтай бруднай кампаніі. Я сёньня правёў гутарку з канцлерам Сэбасьцьянам Курцам і прапанаваў сваю адстаўку з пазыцыі віцэ-канцлера Аўстрыйскай Рэспублікі. Ён прыме гэтае прашэньне», — сказаў Штрахе.

Хайнц-Крысьціян Штрахе таксама пакіне ўрадавы пост старшыні кіруючай Аўстрыйскай партыі свабоды.

У пятніцу нямецкія выданьні Der Spiegel і Süddeutsche Zeitung апублікавалі відэазапіс, на якім лідэр Аўстрыйскай партыі свабоды Хайнц-Крысьціян Штрахе нібыта абяцаў меркаванай багатай расіянцы спрасьціць доступ да дзяржкантракту ў Аўстрыі ў абмен на фінансаваньне выбарчай кампаніі сваёй партыі перад парлямэнцкімі выбарамі ў 2017 годзе.

Гэты відэазапіс выклікаў палітычны скандал у Аўстрыі. Падліковая палата рэспублікі запатрабавала ад Аўстрыйскай партыі свабоды патлумачыць заявы яе старшыні. Вярхоўная пракуратура Аўстрыі таксама занялася праверкай зьвестак аб таемным фінансаваньні Аўстрыйскай партыі свабоды.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG