Лінкі ўнівэрсальнага доступу

Жыхару Гомля, які парэзаў траіх міліцыянтаў, узмацнілі пакараньне


Мікіта Бас, архіўнае фота

Вярхоўны суд 17 траўня перагледзеў справу жыхара Гомля Мікіты Баса, які парэзаў траіх міліцыянтаў. Яму павялічылі тэрмін зьняволеньня з 13,5 да 15,5 года.

Паводле ранейшага прысуду, толькі аднаго міліцыянта падсудны спрабаваў забіць, а двум астатнім — нанёс цяжкія цялесныя пашкоджаньні. Пракуратура падала пратэст. І Вярхоўны суд разглядаў злачынства Мікіты Баса як больш цяжкае — замах на забойства трох міліцыянтаў.

Летась Мікіта Бас уцёк з «хіміі» ў Шклове, дзе адбываў пакараньне за наркотыкі. Яго шукалі паўтара месяца. Калі Баса паспрабавалі затрымаць у гарадзкім тралейбусе, ён дастаў нож і параніў траіх міліцыянтаў. Адзін з пацярпелых быў на мяжы сьмерці праз пашкоджаньне буйнога сасуду і вялікую страту крыві. Яго ўратавала тое, што адзін з пасажыраў пасьпеў накласьці жгут на нагу, а «хуткая дапамога» не забавілася.

Зь месца здарэньня Мікіта Бас уцёк, пераплыў Сож. На досьвітку яго заўважылі ў рацэ супрацоўнікі АМАП, падстрэлілі ў ногі і затрымалі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG