Лінкі ўнівэрсальнага доступу

Губэрнатарка Алабамы падпісала закон аб амаль поўнай забароне абортаў


Ілюстрацыйнае фота

Губэрнатарка штату Алабама Кей Айві падпісала заканадаўчы акт, які прадугледжвае амаль поўную забарону абортаў у гэтым штаце ЗША, паведаміў тэлеканал CNN.

«Сёньня я падпісала Закон Алабамы аб абароне чалавечага жыцьця, законапраект, які быў ухвалены пераважнай большасьцю галасоў у абедзьвюх палатах заканадаўчага органу, — сказала Айві ў заяве. — Для многіх прыхільнікаў законапраекту гэты закон будзе магутным сьведчаньнем глыбокага перакананьня жыхароў Алабамы, што кожнае жыцьцё каштоўнае і што кожнае жыцьцё зьяўляецца сьвятым дарам ад Бога».

Закон дазваляе спыненьне цяжарнасьці толькі ў выпадках «сур’ёзнай рызыкі для здароўя маці ненароджанага дзіцяці», пазаматкавай цяжарнасьці, і калі «ненароджанае дзіця мае сьмяротную анамалію». Папраўку, якая павінна была дазволіць аборты ў выпадку інцэсту або згвалтаваньня, адхілілі.

Былы кандыдат у прэзыдэнты ад дэмакратаў Гілары Клінтан назвала законапраект прыкладам «жахлівага замаху на жыцьцё жанчын і асноўныя свабоды».

Прыхільнікі закону заяўляюць, што законапраект быў наўмысна распрацаваны, каб абскардзіць рашэньне Вярхоўнага суду ЗША 1973 году, якое дазваляе аборты на нацыянальным узроўні.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG