Лінкі ўнівэрсальнага доступу

У штаце Алабама сабраліся забараніць амаль усе аборты, нават пасьля згвалтаваньня


Ілюстрацыйнае фота

Сэнат штату Алабама, што на поўдні ЗША, прыняў заканадаўчы акт, які прадугледжвае амаль поўную забарону абортаў.

Сэнат, у якім большасьць маюць рэспубліканцы, 14 траўня падтрымаў закон, які дазваляе перапыненьне цяжарнасьці толькі ў выпадку пагрозы для здароўя жанчыны. Праўку, якая павінна дазволіць аборты ў выпадку інцэсту або згвалтаваньня, адхілілі.

Зараз дакумэнт разгледзіць губэрнатарка-рэспубліканка Кей Айві, якая не казала, ці падпіша закон.

Нацыянальная арганізацыя жанчын (NOW) назвала забарону неканстытуцыйнай, а таксама заявіла, што гэта «прамая пагроза аўтаноміі жанчын і іхнаму імкненьню да шчасьця».

Прыхільнікі закону заяўляюць, што законапраект быў наўмысна распрацаваны, каб абскардзіць рашэньне Вярхоўнага суду ЗША 1973 году, якое дазваляе аборты на нацыянальным узроўні.

Цяпер у складзе Вярхоўнага суду большасьць судзьдзяў кансэрватары – так стала пасьля таго, як прэзыдэнт Дональд Трамп прызначыў двух судзьдзяў. Толькі сёлета Джорджыя, Кентакі, Місысыпі і Агаё абвясьцілі пра забарону абортаў пасьля таго этапу, калі лекар можа выявіць эмбрыянальнае сэрцабіцьце.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG