Лінкі ўнівэрсальнага доступу

Кіраўнік мытні: наркотыкі на беларускай мяжы затрымліваюць штодня


Канафіскаваныя на мяжы наркотыкі, архіўнае фота

Усё часьцей беларускія мытнікі затрымліваюць сынтэтычныя наркотыкі.

Старшыня Дзяржаўнага мытнага камітэту Юры Сянько паведаміў пра рост кантрабанды наркатычных сродкаў празь беларускую мяжу:

«Колькасьць наркотыкаў, якія затрымліваюць на нашай дзяржаўнай мяжы, з кожным годам не скарачаецца, а нарастае. Фактычна такія затрыманьні робяцца штодня».

Паводле Юрыя Сянько, амаль усе транзытныя наркотыкі скіраваныя ў бок Расеі.

Юры Сянько
Юры Сянько

Паводле ягоных слоў, павялічваюцца ня толькі колькасьць спробаў перавезьці наркатычныя сродкі, але і іх аб’ёмы і асартымэнт. Усё часьцей мытнікі затрымліваюць сынтэтычныя наркотыкі.

Што тычыцца ўвозу ў Беларусь, то тут фіксуецца рост спробаў завезьці лекі, у склад якіх уваходзяць псыхатропныя рэчывы.

«Гэта ня тыя адзінкавыя выпадкі, калі людзі купляюць лекі за мяжой для сябе, часта нават ня ведаючы пра іх псыхатропныя складнікі. Усё часьцей у Беларусь вязуць камэрцыйныя партыі падобных лекаў», — заявіў старшыня Мытнага камітэту ў інтэрвію журналістам у кулюарах Палаты прадстаўнікоў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG