Лінкі ўнівэрсальнага доступу

На жылым доме ў Менску вывесілі савецкі сьцяг і партрэт Сталіна. ФАТАФАКТ


У Менску з вакна аднаго з жылых дамоў на Партызанскім праспэкце вывесілі савецкі сьцяг — верагодна гэта так званы «Сьцяг перамогі», сымбаль перамогі СССР у мінулай вайне. За вакном таксама відаць вялікі партрэт савецкага дыктатара Ёсіфа Сталіна.

9 траўня ў Менску прайшла прыдуманая ў Расеі акцыя «Несьмяротны полк», у якой узялі ўдзел каля 500 чалавек, некаторыя зь іх замест партрэтаў загінулых ў Другой сусьветнай вайне родзічаў несьлі партрэты Сталіна і Леніна (які памёр за больш як 15 гадоў да пачатку Другой сусьветнай вайны), сьцягі БССР (вэрсіі 1951 году) і СССР.

На акцыі раздавалі «георгіеўскія стужкі», дзяржаўнай або нацыянальнай беларускай сымболікі практычна не было. Гарадзкія ўлады сёлета не дазволілі шэсьце, але санкцыянавалі мітынг ля музэю I зьезду РСДРП, што ля плошчы Перамогі.

Сталінскія рэпрэсіі ў Беларусі

У Беларусі масавыя рэпрэсіі пачаліся яшчэ з прыходам да ўлады бальшавікоў — у 1917 годзе. А скончыліся, калі памёр Сталін — у 1953-м. Дасьледчыкі мяркуюць, што пад іх падпалі як мінімум 600 тысяч чалавек. Паводле іншых ацэнак гэтая лічба дасягае 1,4 мільёна. Але дакладныя лічбы не вядомыя — КДБ дагэтуль не раскрыла архівы. Беларусы лічацца трэцімі паводле колькасьці ахвяраў рэпрэсіяў у сталінскія часы.

Сталінскія рэпрэсіі ў Беларусі — асноўнае, што трэба ведаць
пачакайце

No media source currently available

0:00 0:02:38 0:00

Чаму беларускі рэжым не прызнае сталінскія рэпрэсіі

Асноўнае пра Курапаты

Расстраляныя літаратары. Гісторыя 12 творцаў, забітых 80 год таму

Як унукі і праўнукі шукаюць зьвесткі пра рэпрэсаваных сваякоў

«Баюся ўлады, якая пачне забіваць». Стогадовая беларуска, асуджаная ў СССР за шпіянаж, распавядае пра рэпрэсіі

Картатэка Сталіна

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG