Лінкі ўнівэрсальнага доступу

Лукашэнка загадаў пабудаваць ля Курапатаў выставачны цэнтар

абноўлена

Дзяржаўнае ўпарадкаваньне Курапатаў, красавік 2019 году

Аляксандар Лукашэнка 14 траўня даручыў пабудаваць да 2021 году Нацыянальны выставачны цэнтар на пляцоўцы ля гандлёвага цэнтру «Экспабел», якая мяжуе з Курапатамі, піша прэс-служба кіраўніка дзяржавы.

Інфармацыю пра тое, што выставачны цэнтар будзе знаходзіцца побач з Курапатамі Свабодзе пацьвердзіў старшыня Беларускага таварыства аховы помнікаў гісторыі і культуры Антон Астаповіч. Праект і першыя яго рэндэры зьявіліся ў 2012 годзе, кажа Астаповіч.

Першы віцэ-прэмʼер Аляксандар Турчын адзначыў, што пытаньне будаўніцтва Нацыянальнага выставачнага цэнтру абмяркоўваецца больш за 10 гадоў. Разглядаліся розныя пляцоўкі і крыніцы фінансаваньня.

Паводле Астаповіча, выставачны цэнтар не закране ахоўную зону. Аднак, калі праект будзе яе закранаць, Лукашэнка сваім указам аб будаўніцтве абʼекту, можа скасаваць ахоўную зону.

Прэс-служба Лукашэнкі назвала будаўніцтва выставачнага цэнтру «нацыянальным праектам». Адзначаецца, што для будаўніцтва разглядалася пляцоўка ў Малінаўцы на скрыжаваньні МКАД і Берасьцейскай шашы. Яе адхілілі, бо «гэта магло закрануць інтарэсы людзей, якія там жывуць».

Сталінскія рэпрэсіі ў Беларусі

У Беларусі масавыя рэпрэсіі пачаліся яшчэ з прыходам да ўлады бальшавікоў — у 1917 годзе. А скончыліся, калі памёр Сталін — у 1953-м. Дасьледчыкі мяркуюць, што пад іх падпалі як мінімум 600 тысяч чалавек. Паводле іншых ацэнак гэтая лічба дасягае 1,4 мільёна. Але дакладныя лічбы не вядомыя — КДБ дагэтуль не раскрыла архівы. Беларусы лічацца трэцімі паводле колькасьці ахвяраў рэпрэсіяў у сталінскія часы.

Сталінскія рэпрэсіі ў Беларусі — асноўнае, што трэба ведаць
пачакайце

No media source currently available

0:00 0:02:38 0:00

Чаму беларускі рэжым не прызнае сталінскія рэпрэсіі

Асноўнае пра Курапаты

Расстраляныя літаратары. Гісторыя 12 творцаў, забітых 80 год таму

Як унукі і праўнукі шукаюць зьвесткі пра рэпрэсаваных сваякоў

«Баюся ўлады, якая пачне забіваць». Стогадовая беларуска, асуджаная ў СССР за шпіянаж, распавядае пра рэпрэсіі

Картатэка Сталіна

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG