Лінкі ўнівэрсальнага доступу

Ва Ўкраіне беларуса за ўдзел ва ўзброенай бандзе пакаралі пазбаўленьнем волі на тры гады


Ілюстрацыйнае фота

Грамадзянін Беларусі, ураджэнец Берасьця Іван Марчук асуджаны ва Ўкраіне на тры гады і адзін месяц пазбаўленьня волі за ўдзел ва ўзброенай бандзе, якая ўчыняла рэйдэрскія напады на прадпрыемствы, выкарыстоўваючы зброю.

У прыватнасьці, беларусу інкрымінавалі ўдзел у нападзе з гранатамётам у Кіеве на будынак, дзе месьціцца рэдакцыя інтэрнэт-выданьня «Українська правда» (будынак належыць будаўнічай кампаніі «Київміськбуд»).

Як адзначаецца ў судовым рашэньні, Іван Марчук падпісаў угоду аб прызнаньні віны. Згодна з заканадаўствам, адвакаты могуць на працягу 30 дзён аспрэчыць вырак. Месца адбываньня пакараньня будзе вызначанае толькі пасьля таго, як прысуд набудзе юрыдычную моц.

Грамадзянін Беларусі быў затрыманы ў лістападзе 2018 году разам з васьмю іншымі асобамі, якія падазраваліся ў 8 рэзанансных злачынствах з выкарыстаньнем супрацьтанкавай зброі і незаконным продажам боепрыпасаў і выбухоўкі. Паводле Службы бясьпекі Ўкраіны, лідэрам злачыннай групоўкі быў грамадзянін Расеі. У часе дасудовага расьсьледаваньня ўстаноўленыя факты продажу 13 гранатамётаў, якія былі незаконна перамешчаныя з тэрыторыі правядзеньня апэрацыі Аб’яднаных сілаў на Данбасе.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG