Лінкі ўнівэрсальнага доступу

Затрыманы намесьнік дзяржсакратара Рады бясьпекі, былы начальнік аховы Лукашэнкі, — СМІ


Андрэй Уцюрын

Камітэт дзяржаўнай бясьпекі затрымаў намесьніка дзяржсакратара Рады бясьпекі Беларусі, былога начальніка Службы бясьпекі Аляксандра Лукашэнкі Андрэя Ўцюрына, піша «Наша Ніва».

Уцюрына затрымалі тыдзень таму, заведзеная крымінальная справа. Яго катэдж у Драздах-2 апячатаны, паведаміла выданьне са спасылкай на інфармаваныя крыніцы.

Афіцыйны прадстаўнік КДБ Рэспублікі Беларусь Андрэй Яраш на пытаньне карэспандэнта Свабоды адказаў: «Без камэнтароў».

У Сьледчым камітэце сказалі, што ня маюць інфармацыі адносна заведзенай справы.

Андрэй Уцюрын нарадзіўся ў 1971 годзе ў Пензе. У 1992 скончыў Саратаўскае вышэйшае вайсковае каманднае вучылішча МУС Расеі, а ў 2002 — Акадэмію МУС Беларусі. Ад 1995 — у службе аховы Лукашэнкі, ад 2007 — ейны кіраўнік. Узнагароджаны ордэнамі «За бездакорную службу» і «За службу Радзіме». У 2010 годзе казаў, што на загад Аляксандра Лукашэнкі займаўся дастаўкай у Менск уцеклага прэзыдэнта Кіргізстану Курманбэка Бакіева. Палкоўнік Андрэй Уцюрын быў прызначаны намесьнікам дзяржаўнага сакратара Савету бясьпекі Беларусі ў 2014 годзе.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG