Відэасэрвіс Voka.tv апублікаваў першыя дзьве сэрыі фінальнага сэзону «Гульні тронаў», сусьветная прэмʼера якога адбылася 14 красавіка. Відэасэрвіс зрабіў агучваньне сэрыялу на беларускую мову.
Мяркуецца, што наступныя сэрыі будуць выходзіць у беларускай агучцы праз 72 гадзіны пасьля афіцыйнага рэлізу штопанядзелак. Мяркуецца, што фінал сэзону адбудзецца 20 траўня.
Гэта ўжо другі сэрыял HBO, агучаны Voka. У сакавіку відэасэрвіс прэзэнтаваў прэзэнтаваў дубляж сэрыялу «Сэкс па-беларуску». Актораў дубляжу шукалі праз кастынгу ў інстаграм-сторыз.
Сэрыял «Гульня тронаў» зьнялі па матывам сэрыі раманаў Джорджа Марціна «Песьня лёду і полымя». Прэмʼера першага сэзону адбылася ў 2011 годзе. Паводле Forbes, апошнюю сэрыю 7 сэзону па кабэльнаму тэлебачаньню паглядзелі 16 мільёнаў чалавек. Такім чынам сэрыял пабіў сусьветны рэкорд па колькасьці адначасовых падлучэньняў да трансьляцыі.
