Лінкі ўнівэрсальнага доступу

Экс-«Крумкачы» ахвяруюць грошы з квіткоў сямʼі заснавальніка клюбу Юрыя Блінова, які памёр 21 красавіка

абноўлена

Юры Бліноў, архіўнае фота

Усе сродкі ад продажу квіткоў на матч 27 красавіка чэмпіянату Беларусі ў першай лізе «НФК» (былыя «Крумкачы») — ФК «Нафтан» будуць пералічаныя сямʼі заснавальніка менскага клюбу Юрыя Блінова, які памёр 21 красавіка на экамаратоне ў Гомлі.

43-гадоваму ўдзельніку забегу на 21 кілямэтар да фінішу заставалася некалькі мэтраў.

Гульня пройдзе ў суботу, 27 красавіка, на стадыёне РЦАП-БДУ (Сямашкі, 13) і пачнецца а 14-й.

Разьвітанне з Юрыем Бліновым адбудзецца ў аўторак, 23 красавіка, з 11.30 да 13.00 у Елісавецінскім манастыры па адрасе: Менск, вул. Выгоцкага, 6.

Хто такі Юры Бліноў?

У 2006 годзе Юры Бліноў стаў першым беларускім музыкам, які выступіў з сольным канцэртам у Карнэгі-Голе ў Нью-Ёрку. Ён атрымаў ступень доктара музычных мастацтваў у Вышэйшай школе музыкі Істмэна. З 2010 году жыве і працуе ў Беларусі. У 2015-м напісаў буйны музычны твор «Concerto-Krooso» у гонар гульца мадрыдзкага «Рэалу» Тоні Кроса.

Летась Бліноў удзельнічаў у заснаваньні новага футбольнага клюбу «НФК» на базе ранейшых «Крумкачоў».

Юры Бліноў удзельнічаў у трох менскіх і адным мюнхенскім паўмаратонах, а ў кастрычніку 2017 году прабег свой першы маратон у Кіеве.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG