Лінкі ўнівэрсальнага доступу

У Гомелі падчас маратону памёр піяніст Юрый Бліноў, сузаснавальнік футбольнага клюбу «Крумкачы»


Юры Бліноў

Сузаснавальнік «Крумкачоў» Юры Бліноў памёр 21 красавіка падчас экамаратону ў Гомелі. Удзельніку забегу на 21 кілямэтар да фінішу заставалася некалькі мэтраў. Лекары, якія дзяжурылі на дыстанцыі, не змаглі аказаць дапамогу 43-гадоваму менчуку, паведамляе «Прэсбол».

У 2006 годзе Бліноў стаў першым беларускім музыкам, які выступіў з сольным канцэртам у Карнэгі-Голе ў Нью-Ёрку. Ён атрымаў ступень доктара музычных мастацтваў у Вышэйшай школе музыкі Істмэна. З 2010 году жыве і працуе ў Беларусі. У 2015-м напісаў буйны музычны твор «Concerto-Krooso» ў гонар гульца мадрыдзкага «Рэалу» Тоні Кроса.

Год таму ён стаў сузаснавальнік новага футбольнага клюбу «НФК Крумкачы».

Юры Бліноў удзельнічаў у трох менскіх і адным мюнхенскім паўмаратонах, а ў кастрычніку 2017 году прабег свой першы маратон у Кіеве. У цёплы час году ён тры-чатыры разы на тыдзень рабіў ранішнія прабежкі па 5–11 кілямэтраў і яшчэ некалькі разоў на месяц бегаў дыстанцыі па 15 і больш кілямэтраў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG