На Ямале на мясцовага жыхара завялі адміністрацыйную справу за правядзеньне сустрэчы аленяводаў і рыбакоў у тундры.
Паліцыя палічыла, што сустрэча парушыла закон аб мітынгах, абвінаваціўшы Ейка Сэратэта ў «арганізацыі публічнай акцыі без падачы паведамленьня».
27 сакавіка Ейка Сэратэта правёў у тундры сход аленяводаў і рыбакоў, на якім абмяркоўваліся прэтэнзіі да мясцовых уладаў.
Людзі, якія сабраліся, у прыватнасьці, плянавалі запатрабаваць дазволу лавіць сігавыя пароды рыбы для карэнных жыхароў Ямала, а таксама ўзяць расьсьледаваньне забойства аленявода Нікалая Харатэта, цела якога з прыкметамі гвалтоўнай сьмерці было знойдзена на газавым радовішчы, пад асаблівы кантроль.
