Лінкі ўнівэрсальнага доступу

Расея пагражае забараніць шампіньёны і трускалкі зь Беларусі. Колькі на гэтым страціць Менск


Ілюстратыўнае фота

На дадатак да забароненых груш і яблыкаў зь Беларусі, Рассельгаснагляд зьбіраецца цалкам спыніць пастаўкі трускалак, шампіньёнаў і пэкінскай капусты. Глядзім, колькі Беларусь на гэтым страціць.

«Мы далей разглядаем іншыя віды прадукцыі, нехарактэрныя для Беларусі. Мы вымушаныя такія меры прымаць. І далей разглядаем трускалкі, пэкінскую капусту, шампіньёны», — сказаў кіраўнік Рассельгаснагляду Сяргей Данкверт агенцтву ТАСС.

Па словах кіраўніка ведамства, падчас праверкі Рассельгаснагляд устанавіў, што аб’ём шампіньёнаў, якія пастаўляюцца зь Беларусі ў Расею, у два разы перавышае афіцыйна зарэгістраваны абʼём гэтай прадукцыі для паставак.

Раней Рассельгаснагляд забараніў пастаўку яблыкаў і грушаў зь Беларусі.

Колькі Беларусь страціць

У 2018 годзе Беларусь паставіла ў Расею 21 тысячу тонаў трускалак на 9,4 мільёна даляраў, па зьвестках Белстату. Шампіньёнаў ці грыбоў роду agaricus прадалі 29 тысяч тонаў на 38,8 мільёна даляраў.

Пэкінскай капусты ці «гародніны з роду brassica» прадалі амаль 30 тысяч тонаў на 4,3 мільёна даляраў.

Сьвежых яблыкаў у Расею летась адгрузілі 81,5 тысячы тонаў на 22,8 мільёна даляраў, а груш — 75,9 тысячы тонаў на 14,8 мільёна даляраў.
Для кожнага з гэтых відаў прадукцыі асноўны рынак збыту летась — Расея.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG